• Céad. 9ú 7-9pm
• 12ú 11am-1pm
• Céad. 16ú 7-9pm
• 19ú 11am-1pm

Sna ceardlanna scéalaíochta ar líne seo, tabharfaidh daoine leo rudaí nó seolfaidh siad isteach pictiúr de rudaí atá deisithe acu, rudaí gur theip orthu iad a dheisiú nó gur mhaith leo iad a dheisiú. Féadfaidh daoine idir 1 agus 3 rud a bheith acu agus roinnfidh na rannpháirtithe an scéal a bhaineann leis na rudaí atá acu. Beidh deis ann ansin plé a dhéanamh ar na cleachtais a bain le rudaí a dheisiú san am a chuaigh thart agus cúrsaí deisiúcháin sa todhchaí.

Cé nach bhfuil an stór deisiúcháin gníomhach go fóill (beidh sé ar shuíomh gréasáin Repair Acts i mí an Mhárta), tá sé i gceist na grianghraif a bhailiú agus na scéalta a insíodh le linn na gceardlann seo a roinnt, uaslódáilfear iad chuig an stór agus cabhróidh siad leis an aidhm go mbeadh 1,000 scéal deisiúcháin againn, a bhaint amach. Cuirfidh sé sin leis an stór ar líne agus beidh ceardlanna mar thacaíocht don phlé ar an ábhar tábhachtach seo. An-fháilte roimh chách.

Agus é ar cheann de 15 Tionscadail faoin gCiste um Ghníomhú Cruthaitheach ar son na hAeráide, déanann Repair Acts, Éire iniúchadh comhoibríoch ar an rud a dtugann an t-ealaíontóir agus taighdeoir Teresa Dillon “cultúir an deisiúcháin” air agus an ról atá acu i gcúrsaí caithimh, tomhaltachais agus athchúrsáil ábhar. Déanann Repair Acts, Éire forbairt ar chlár taighde cleachtasbhunaithe idirnáisiúnta atá ann cheana agus a scrúdaíonn na cultúir dheisiúcháin ar bhealach atá iolraíoch agus comhpháirteach. Is í Teresa Dillon atá i gceannas ar an gclár taighde agus a chomhbhunaigh é.