Tá taithí ag gach Comhghleacaí Cruthaitheach i gcleachtas ealaíon nó ar a bheith ag múineadh daoine óga agus oibreoidh sé go dlúth le gach scoil chun an chruthaitheacht a fhorbairt in a oiread gnéithe agus is féidir de shaol scoile laethúil na ndaltaí.

Ar dhuine de na Comhghleacaithe Cruthaitheacha i réigiún an Oirdheiscirt tá Anna Galligan, atá ag obair mar dhéantóir amharclannaíochta gairmiúil le breis agus tríocha bliain. Tá sí ag tabhairt a saineolas agus a paisean chuig Scoileanna Cruthaitheacha ar fud Chill Chainnigh agus Cheatharlach anois agus cur chuige láidir instinneach aici ó thaobh daoine óga a spreagadh; “Is bealach smaointeoireachta í an chruthaitheacht. Ciallaíonn sé a bheith ag déileáil le an rud anaithnid ní ar bhealach faiteach ach go diongbháilte agus go samhlaíocht. Ciallaíonn sé a chreidiúint gur féidir le rud éigin nach raibh ann fós a bheith ann. Baineann sé le ceisteanna a chur faoin status quo ní hamháin nuair a bhíonn athrú riachtanach ach ar son é a cheistiú. Ciallaíonn sé a bheith ag imirt le smaointe, leis an saol mórthimpeall ort, le daoine eile, féachaint cad a tharlóidh. D’fhéadfadh sé a bheith éadrom agus d’fhéadfadh sé a bheith tromchúiseach. Níl teorainn leis na bealaí ar féidir úsáid a bhaint as sa saol.”

THUAS: Léiriúchán Barnstorm de ‘Alice in Wonderland’

Díríonn saothar Anna ar fhorbairt ealaíonta na ndaoine óga agus úsáid á bhaint aici as an drámaíocht mar mhodheolaíocht, obair a bhíonn ar bun aici go leanúnach ó lá go lá ina ról mar Oifigeach For-rochtana le Barnstorm Theatre Company i gCill Chainnigh. D’iarr muid uirthi cur síos a dhéanamh ar a ról mar Comhghleacaithe  Cruthaitheach? “Is é an ról atá agam ná spreagadh agus dúshlán a thabhairt, a bheith ag ceistiú agus cabhrú leis an scoil a fís a bhaint amach ó thaobh na n-ealaíon agus na cruthaitheachta de. Is é an chéad rud a dhéanaim ná aithne a chur ar mo scoileanna. Ar dtús déanaim é seo trí thaighde agus trí chuairt a thabhairt ar Chomhordaitheoir na Scoileanna Cruthaitheacha agus bualadh leo. Labhraímid faoin gcúis go raibh an scoil ag iarraidh a bheith páirteach i gclár na Scoileanna Cruthaitheacha, cén ról atá agamsa, agus aon cheisteanna a fhreagairt nó aon mhíthuiscintí a shoiléiriú. ”

Ciallaíonn an “cur chuige modhúil agus pragmatach” seo ó thaobh fís fhadtéarmach a mhúnlú, go dtugtar creat láidir do gach scoil chun oibriú as fiú nuair a imeoidh an  Comhghleacaí Cruthaitheach, agus tugann sí deis d’Anna bealaí a bhféadfadh an scoil “comhairliúchán fiúntach a bheith aici leis na páistí” a roinnt, chomh maith le scoileanna a nascadh le healaíontóirí agus le heagraíochtaí ar mhaithe le comhoibríú.

Nuair a ceistíodh í faoi na buntáistí a bhaineann lena ról nua mar Comhghleacaí Cruthaitheach, is léir gur rud dearfach atá ann don dá thaobh; “An rud is mó a chuir sceitimíní orm ná a dhíograsaí agus a thoilteanaí a bhí na scoileanna ar fad a ndeachaigh mé i dteagmháil leo, breathnú ar na cleachtais atá acu faoi láthair agus chomh hoscailte agus a bhí siad mar a bhain le rudaí nua a thriail. Bíonn taithí iontach agam freisin sna ceardlanna áit a bhfuilimid ag fáil tuairimí na ndaltaí maidir leis an gcruthaitheacht, an úsáid a bhaineann a gcuid scoileanna as an gcruthaitheacht agus na cineálacha gníomhaíochtaí cruthaitheacha nua ar mhaith leo tabhairt fúthu. Tá sé ráite ag múinteoirí gur oscailt súl a bhí ann a dtuairimí a chloisteáil, go bhfuil meas acu ar na modhanna atá in úsáid agus go bhfuil siad ag súil go mór le húsáid a bhaint astu iad féin.”

Ag cur san áireamh taithí Anna ag obair mar chuid d’fhoireann Barnstorm Theatre Company le roinnt mhaith blianta, b’fhéidir nach gcuirfeadh sé iontas ar dhuine a thábhachtaí a fheictear di an t-amharclannaíocht a bheith mar léiriú ar an gcruthaitheach i gcás daoine óga! “Tá sé casta, éilíonn sé cruthaitheacht i ngach réimse; an teagasc, an t-éascú, an stiúradh, an dearadh. Faigheann tú an deis saol iomlán a chruthú in éineacht le daoine eile. Tugann sé dúshlán dom agus spreagann sé mé. Bím diongbháilte dá bharr.Tugann sé seans dom a bheith ag imirt le mo shamhlaíocht. Éilíonn sé eolas agus scileanna uaim. Cuireann sé oiliúint orm mar a bhaineann le muinín a chur i mo instinn. Ligeann sé dom a bheith de shíor ag foghlaim. Tá sé mar a bheadh sraith d’fhadhbanna ann a bhfuil réiteach le fáil orthu. Nuair a dhéantar fís a fhorbairt nó gur rud réadúil atá ann i bhfoirm léiriúcháin, caithfidh go bhfuil sé ar cheann de na rudaí is spreagúla dá bhféadfadh duine a bheith ag plé leis.”

Nuair a fiafraíodh di cén chaoi, dar léi, a bhféadfaí níos mó tacaíochta a thabhairt do na cleachtóirí cruthaitheacha in Éirinn, dúirt Anna go bhfuil imní uirthi faoin gcaoi a bhfeictear “an chruthaitheacht mar rud atá taobh amuigh den’ fhíorobair’’. ” Ba mhaith léi, a deir sí, go bhfeicfí é ‘mar ghnáthbhealach le bheith ag smaointeoireachta agus ag dul i ngleic le rudaí. Ba mhaith liom go dtabharfaí tuilleadh tacaíochta ó thaobh oiliúna agus deiseanna fostaíochta do chleachtóirí cruthaitheacha a oibríonn le daoine.

Tá scil ar leith ag baint leis an éascú agus uaireanta ní aithnítear é sin. Ba mhaith liom a chur ar chumas daoine eile a saol féin agus na saolta mórthimpeall orthu a iniúchadh, a chur in iúl, a cheistiú agus a cheiliúradh.”

An paisean agus an sásamh a fhaigheann Anna as a bheith ag cuidiú le daoine óga a gcruthaitheacht a aimsiú is rud tógálach é agus fágann sí muid leis an ngliondar cinniúnach a thugann an ról di, “an luach breise a thagann ó thuras an duine óig a leanúint agus iad ag dul tríd an bpróiseas; a n-úinéireacht air, a bhforbairt ealaíonta, shóisialta agus phearsanta. Nuair a thugann tú faoi deara go bhfuil siad ag forbairt a gcuid scileanna, ag cothú cairdis. Chomh maith leis sin, nuair a fheiceann tú go bhfuil feabhas ag teacht ar a dteacht aniar, ar a gcumas dul i ngleic le rudaí agus teacht chucu féin nuair a dhéanann siad botúin, nuair a fheiceann tú go bhfuil siad ag aithint agus ag ceiliúradh a láidreachtaí agus ag glacadh lena laigí, an tacaíocht a thugann siad do dhaoine eile. D’fhéadfainn coinneáil orm … agus orm…’’

Faigh tuilleadh eolais faoi na Deiseanna a bhaineann leis an gComhghleacaí Cruthaitheach anseo.