Is í an aisling maidir le Ciarraí a chinntiú go mbíonn meas ag daoine ar fud Chontae Chiarraí ar an gcruthaitheacht agus deis acu í a thapú. Tríd an gcruthaitheacht sin, cuirfear daoine i mbarr a maitheasa; cuirfear lena gcuid rannpháirtíochta i mbeartaíocht cruthaitheachta agus leis an gceangal a bhraitheann siad leis an gcruthaitheacht an tráth céanna a gcuirtear le clú Chiarraí maidir le cúrsaí cruthaitheachta.
Éire Ildánach i gCiarraí: baineann sé leatsa, bíodh sé ag baint leat!
Déanann an tÚdarás Áitiúil oibriú ar mhaithe le cur le saol an tsaoránaigh agus tuigtear go ndéantar tairbhe maidir le saol níos fearr ag an duine trí dheis níos mó ar an gcruthaitheacht a chruthú dóibh. Tá cáil go hidirnáisiúnta ar Chiarraí maidir le scéimhe agus sceirdiúlacht agus cáil go náisiúnta ar an gcontae mar gheall ar chumas na bpeileadóirí; trí Éire Ildánach, féachfar lena chinntiú go mbíonn meas den chineál céanna ar chultúr beo an chontae agus go dtarraingítear i bhfad níos mó aird air.
Oibreofar le muintir Chiarraí chun a chinntiú go gcuirtear clár téagartha ar siúl lena léirítear feabhas agus flúirse na cruthaitheachta ar fud an chontae.
Tá luí ag Éire Ildánach i gCiarraí leis an bpobal, leis an gcomhar, leis an gcumarsáid agus an rannpháirtíocht, le huilechuimsitheacht agus le hacmhainneacht.
Tá na tréithe sin ag baint le tionscadail éagsúla a cuireadh i gcrích, ina measc:
The Lost Palace of Lixnaw
Athinsint ar stair dhearmadta ré órga Leic Snámha trí úsáid a bhaint as drámaíocht, amharclannaíocht, scéalaíocht, físeáin agus ceardaíocht chun stair Leic Snámha san 18ú aois a chur i láthair.
Tionscadal na Samhna i gCnoc na gCaiseal
Tionscadal maidir le hOirfidíocht Sráide arna chur ar siúl ag National Circus Festival Ireland d'fhonn muintir Chnoc na gCaiseal a spreagadh chun dealbhadóireacht tine a chruthú a bheadh ina chuid d'fhéile na Samhna i gCnoc na gCaiseal agus bhí an dealbh tine ina chuid den Fhéile Náisiúnta Sorcasaíochta i dTrá Lí arís ina dhiaidh sin.
An Illustrated Inventory of Everyday Objects
Tionscadal de chuid Alison Mac Cormaic agus Nora Duggan trína gceaptar tuiscint ar an tráth agus ar an áit i dTuaisceart Chiarraí le ceardlanna, tuairiscíocht fardail, beochan agus obair mósáice.
Living Museum
Dánlann Glucksman i gCorcaigh i mbun ceannródaíochta le tionscadal maidir le hIarsmalann sa Seomra Ranga le dhá scoil i ndeisceart Chiarraí - Scoil Náisiúnta an Chalaidh agus Scoil Náisiúnta Chathair Dónall.
Nature Music
Obair i gcomhar idir Seán Ó Dálaigh, Cumadóir, agus an Scotia Ensemble chun fuaimeanna beo an dúlra a chumasc le chéile i saothar cumadóireachta sa stíl chlasaiceach
