Bhí dlúthcheangal riamh ag Contae na Gaillimhe leis na healaíona agus leis an gcultúr de bharr go gcuirtear caighdeán maireachtála agus taobh tíre nádúrtha ar leith ar fáil d'ealaíontóirí, timpeallacht atá ag teastáil uathu chun go mbeidh an chruthaíocht faoi bhláth. Tá freagracht orainn an taobh tíre, ár n-oidhreacht thógtha agus nádúrtha a chaomhnú agus sin a chinntiú, d'fhonn tuilleadh forbartha a mhealladh agus a chinntiú go gcaomhnaítear na tosca a chuireann borradh faoin gcruthaíocht chomh maith agus is é sin atá mar bhonn atá leis tacaíocht a thugtar do phobal na cruthaíochta.

Feictear dúinn go bhfuil an chruthaíocht ríthábhachtach chun go mbeidh pobail ábalta a bheith faoi bhláth agus tuigeann muid gurb í an chruthaíocht bun agus barr na nuálaíochta, an scil is mó a bhfuil tóir uirthi ar fud réimsí saoil sa 21ú Céad. Leag ár gclár in 2019 béim ar an obair i gcomhar atá idir ár bhFoireann Cultúir agus dreamanna eile. Is tionscnamh dhá bhliain é Pop up Poetry for ‘lil Peeps arna léiriú ag Branar a chuirfidh tacaíocht ar fáil d'fhonn filíocht nuachumtha a choimisiúnú do pháistí idir 0-4 bliana d'aois agus áireofar foilseachán, taispeántas agus podchraoladh den saothar bunaidh in 2020 leis seo. Ar chuid de na tionscnaimh shuntasacha bhí Reading the Landscape le Zena Hoctor a bhain úsáid as Sraith Straitéisí Iniúchta Oidhreachta chun grúpaí áitiúla a thraenáil lena gcuid obair allamuigh ar an oidhreacht a bhaineann lena gceantar féin a fhorbairt.