In Living Artfully tabharfar ceol, amhránaíocht agus cruthaitheacht chuig pobail chun a sláinte, a bhfolláine agus a gcaighdeán beatha a fheabhsú / a chothabháil. Cuirfear ar chumas údaráis áitiúla Cheatharlach agus Chill Chainnigh, atá i gcomhpháirtíocht leis an tionscadal, comhoibriú go cruthaitheach le raon éagsúil de spriocghrúpaí agus daoine aonair ar bhonn for-rochtana, ag soláthar ceardlanna éagsúla dóibh siúd a bhfuil cónaí orthu i gceantair uirbeacha agus thuaithe sa dá chontae. Ag glacadh le cur chuige ón mbonn aníos, tá an tionscnamh treoraithe ag an bpobal agus ag ealaíontóirí agus dearadh é le rannpháirtíocht a spreagadh ar bhealach fiúntach agus fadtéarmach.
I dteannta an Chathaoirligh bhí baill foirne ó Chomhairlí Chontae Cheatharlach agus Chill Chainnigh agus Éire Ildánach, mar aon leis an mBainisteoir Cláir agus Ealaíontóirí a bheidh i gceannas ar an tionscnamh. Tugadh deis iontach ann ceiliúradh a dhéanamh ar thús turas spreagúil a chuirfidh le go leor saolta; teacht le chéile agus aithne a chur ar a chéile; taithí a fháil ar thaibhiú cruthaitheach; agus ár n-uaillmhianta a roinnt maidir le Living Artfullly in 2024 agus 2025.
Féachann an tionscnamh le cultúr agus cruthaitheacht a fhí isteach le gnáthshaol roinnt de na baill is leochailí dár bpobal. Is clár uileghabhálach é ina dtugtar cuireadh d’úsáideoirí seirbhíse agus don fhoireann atá ag plé le Seirbhísí Tacaíochta don Lucht Siúil, Seirbhísí a Thacaíonn le Néaltrú, Seirbhísí Meabhairshláinte, Seirbhísí Oidis Shóisialta, agus FSS Cheatharlach/Chill Chainnigh páirt a ghlacadh san idirghabháil theiripeach seo ina dtairgfear córas chun cruthaitheacht, nósanna sláintiúla agus cabhracha a thabhairt isteach inár saol.
Cinntíonn Living Artfully go gcuirtear eispéireas ealaíonta insroichte, spreagúil ar fáil, áit a mbeidh rannpháirtithe rannpháirteach mar amhránaithe, mar cheoltóirí, mar ghluaiseoirí, mar éisteoirí agus mar chruthaitheoirí; mar chuid de chomhthionól cruthaitheach, le léiriú, cumarsáid, agus nasc ina chroílár. Chomh maith leis na buntáistí soiléire don fholláine a thugann rannpháirtíocht den sórt sin d’úsáideoirí seirbhíse agus don fhoireann araon, táthar ag súil go n-áireoidh torthaí luachmhara breise comhoibriú láidir idirghníomhaireachta, soláthar feabhsaithe seirbhíse, agus oidhreacht de chleachtais inbhuanaithe, sholúbtha agus inoiriúnaithe a fhorbrófar mar chuid den tionscnamh.
Tá an clár ar siúl anois agus ceapadh Bainisteoir Tionscadail agus é ag gabháil do chomhordú agus forbairt ghníomhach le grúpaí comhpháirtíochta. Reáchtáladh lá ionduchtaithe d’ealaíontóirí a earcaíodh ar ar fhreastail Oifigigh Rannpháirtíochta Cruthaitheacha Phobail Cheatharlach agus Chill Chainnigh. In Living Artfully cuirfear modh ar fáil chun féinléiriú agus muinín a mhéadú, chun féiniúlacht a dhearbhú, chun scileanna atá ann cheana a cheiliúradh agus cinn nua a chothú. Is é an fhís atá ag an eagraíocht ná pobal ilchineálach cuimsitheach a fhaigheann tacaíocht agus spreagadh chun taitneamh a bhaint as saibhreas agus pléisiúir an tsaoil chultúir fhairsing.
