“Mar gheall ar an maoiniú flaithiúil a fuaireamar ó Éire Ildánach, bhíomar in ann cur leis na cláir ar líne a chuireann IMMA ar fáil dár lucht féachana. Cuireann baill den Fhoireann Foghlama agus Rannpháirtíochta an ceann breise seo, The Slow Looking Series, i láthair. Tagann an teideal ón gcur chuige atá againn breathnú go réidh staidéarach ar an ealaín; ceisteanna a chur faoina raibh i gceist ag an ealaíontóir agus ár bhfreagra féin air. An chéad cheann de na 10 bhfíseán seo, is seisiún aireachais é don lucht féachana, ionas go mbeidh siad oscailte agus go hiomlán ar a suaimhneas sula mbainfidh siad triail as cheann de na físeáin. Smaoinigh air mar aperitif, a chuireann faobhar ar an ngoile sula roghnóidh tú ón mbiachlár!

Faoi láthair bíonn na turais fhíorúla agus an plé ar an ealaín ar fáil ar Zúm. Faoin  gclár Ealaín & Daoine Aosta tá Armchair Azure, Talking Art Online agus Pacáistí Acmhainní, Studio 10, againn mar aon le turais fhíorúla. Agus mé á scríobh seo táimid ag leathnú ár dtaispeántais amach ionas go mbeidh fáil orthu ag tuilleadh daoine, óg agus aosta, ar ansa leo an ealaín. Nuair a bhíonn muid ag caitheamh ama le grúpa nó le duine aonair, is cuma cén aois iad, is maith linn an cur chuige suaimhneach seo a ghlacadh, ionas go mbíonn deis ann an saothar ealaíne a thógáil isteach agus níos tábhachtaí fós, a bheith fiosrach.

Is é an rud atá i bpáirt ag na grúpaí seo ar fad ná a gcuid fiosrachta. Fiosracht dhosháraithe chun tuilleadh a fhoghlaim, tuilleadh a chruthú, a bheith ag samhlú agus a bheith ag a roinnt a dtaithí leis an ngrúpa. Is mór an onóir dom a bheith páirteach ann. Is breá liom a bheith in éineacht le daoine atá fiosrach, daoine a dtaitníonn an dúshlán, a bhaineann le bheith curtha dá mbuille, leo. Is iontach an chaoi a léimeann gach duine isteach leis an aiseolas, is cuma cé chomh doiléir is a bhíonn an obair. Thar aon rud eile bím, go rí-mhinic faoi gheasa, ag an saibhreas a bhaineann lena léargais ionraic agus a dtuiscint.”

“Nuair a labhraíonn tú faoi ealaín nó nuair a dhéanann tú ealaín le rannpháirtithe ar na tionscadail Art & Ageing, eispéireas tairbheach a bhíonn ann i gcónaí, a mbítear buíoch as. Is minic a deir daoine aosta agus go deimhin daoine meánaosta, “ar an taobh istigh níl mé ach 21″. Nuair a dhéanann tú caidreamh ar bhealach cruthaitheach le daoine is mar sin a bhíonn sé, imíonn an aois agus oibríonn tú le spiorad an duine aonair. De réir mar a théann na seisiúin seo ar aghaidh, bíonn gach duine níos rannpháirtí agus tugann siad freagra trína gcuid smaointe agus a dtaithí a roinnt. Nochtar scéalta, eolas, fíricí. Bíonn rud éigin nach bhfaca tú riamh cheana feicthe ag duine eile. Gach uair a dtagaimid le chéile bíonn draíocht nua ann. Is maith liom a cheapadh go dtugtar an t-ardú croí céanna do gach duine a ghlacann páirt ann, go bhfuil rud éigin nua agus neamhghnách acu a chuirfidh lena lá, a mbeidh siad ag caint lena gcairde agus lena muintir faoi. Cé go dtugann sé pléisiúr dom a bheith ag obair le gach grúpa, nuair a bhím ag obair le daoine aosta is rud é a d’fhéadfadh a bheith an-chumhachtach mar gheall ar an luach a thugann siad de bharr a dtaithí saoil.”

Is é an cleas, sílim, ná fanacht fiosrach. Na seanfhondúirí a théann chuig an ngailearaí tá siad fiosrach, tá siad ar bís chun níos mó eolais a fháil, ní stopann siad riamh ag breathnú, ag foghlaim agus ag lorg freagraí. Ní bhíonn eagla orthu a gcuid mothúchán a roinnt, ní choinníonn siad rudaí siar agus tá an mhuinín sin acu, a thagann le haois, an rud atá ina n-intinn a rá amach go hoscailte.

“Is iad ceithre thréith an daonnachais ná fiosracht, intinn shaor, creideamh sa dea-bhreithiúnas, agus creideamh sa chine daonna.” – E.M. Forster.

Tá Joan Walker ina ball d’Fhoireann Rannpháirtíochta Cuairteoirí IMMA agus cuireann sí  Cláir Rannpháirtíochta & Foghlama IMMA ar fáil, na cláir do dhaoine scothaosta san áireamh.