Tá an cultúr i gcroílár shaoithiúlacht agus chaighdeán an tsaoil sa Longfort agus is gné lárnach é de chontae bríomhar a chruthú don té atá ag cónaí, ag obair nó i mbun gnó sa chontae. Is straitéis cúig bliana Plean Cultúir agus Cruthaitheachta Chontae an Longfoirt trína bhféachtar leis an gcultúr agus an chruthaitheacht a chur go mór chun tosaigh i saol na ndaoine. Tuigtear an leas a bhíonn ag an bpobal as caiteachas ar an gcultúr agus ar an gcruthaitheacht agus as an ról atá leis an gcultúr maidir le dreamanna dúthrachtacha, comhtháite, inmharthana a chothú i ngach comharsanacht.

Is ábhar ríméid ag Comhairle Chontae an Longfoirt a bheith i mbun na ceannródaíochta maidir leis an gcéad Phlean Cultúir agus Cruthaitheachta de chuid an chontae a chur le chéile. Tá de chuspóir forghinearálta againn an cultúr agus an chruthaitheacht a chur go mór chun tosaigh i saol na ndaoine agus aird a tharraingt ar bhríomhaire Chontae an Longfoirt mar áit cónaithe, ionad oibre nó láthair gnó. Tá an cultúr i gcroílár shaoithiúlacht agus chaighdeán an tsaoil sa Longfort, is é a dhéanann áit tharraingteach as an gcontae ag cuairteoirí agus, go háirithe ag an diaspóra a fhilleann go rialta ar mhaithe leis an áit ar dá bunadh iad a thaobhú. Ar bhealaí go leor, is é an Longfort - mar a leagtar amach sa Phlean Corparáide atá againn - "An Áit atá Sásúil", leis an meascán díreach ceart, idir taobh tíre neamh-mhillte feirmeoireachta, meon láidir an phobail agus saol bríomhar cultúir, inar féidir an chruthaitheacht a chothú agus a thabhairt chun cinn.

Tá tugtha de chur síos ar an gcontae ag John Connell, údar gradamúil agus an chéad Ambasadóir Litríochta de chuid Chontae an Longfoirt, gurb é an áit é “from which I draw the wellspring of my creativity. My books, my writings, my thoughts are of this place. I have known it all my life and it is the thing which enriches me”.
An scéal go dtí seo…..
Le dhá bhliain go leith anuas, tá béim láidir leagtha ag an meitheal Cultúir maidir le hÉire Ildánach ar chur lena áisiúla a bhíonn teacht ag leanaí agus ag daoine óga ar chúrsaí cultúir agus cruthaitheachta agus lena gcuid rannpháirtíochta sna cúrsaí sin. Oibríodh i gcomhar leis na scoileanna bunscolaíochta agus leis na scoileanna dara leibhéal, leis na leabharlanna agus le heagraíochtaí de leithéid Chomhairle na nÓg agus seirbhísí Óige an Longfoirt.